Also, ganz ehrlich! Manchmal frogst de ja scho. I wui mi im Grund ja gor net in de Gedanken von de Kriminellen neiversetzen, wirklich net. Des is mir zu wirr und außerdem macht des da Röder ja scho. I woaß übrigens net, ob i an Burgamoasta mächt, der wo se in Verbrecher neidenkt. Oba egal etz, wos i eigentlich song wollt: Wia bläd muaßt du denn sei, wenn du in a Reisebüro eibrichst? Hobts des glesn, oder? In der heitign Zeit, wo koa Schwanz mehr a Reise bar zohlt – und wenn, nachat lassn die de Kohle bestimmt net über Nacht im Schreibtisch drin. Na, etz amal ehrlich. Wos hot nachat der Trottl gmoant, wos er do klaun kannt? A Kreuzfahrt vielleicht? Oder a Wellness-Wochenend? I versteh des wirklich net. Laut Polizei warns ja eventuell sogar mehra Täter. Umso schlimmer, sog i do bloß! Wollten de Deppn am End no a Gruppenreise stehln?