Ja, mi leckst am Oarsch, da Gürtner draht auf! Der wui tatsächlich an Herker weghaun vom Chefsessel im Rothaus. Do moanst immer, des is da nette Onkel Albert, oba von weng. Er bewirbt si net bloß um des Amt, wei er um jeden Preis Buagamoasta sei wui, sondern er wui des wern, wei er des konn. Saufrech is der! Du, des is fei a g'scheite Watschn fürn Herker. Oba i sog da wos, dem tat i scho helfa, wenn i da Herker war. Den Herrn Vizebuagamoasta tat i bis zur Wahl bloß no auf 80. Geburtstage schicka zum Bluma-Strauß überreicha und Gschichtn vom Kriag ohern. Du, und übrigens, an Habl homs fei a af da Listn drauf, de Freien Wähler. Und i hob immer gmoant, der is halb Grün und halb Orange.