I werd narrisch. Der Herker ist ja praktisch der Jupp Heynckes unter de Burgermoasta. Zerscht holt er den Preis als lebenswerteste Gemeinde der Welt nach Pfahofa – do konnst song, mir san Weltmoasta. Und jetzt stehna mia scho wieda im Finale vom Deutschen Nachhaltigkeitspreis. Also praktisch kurz vor der Deutschen Moasterschaft. Und de Gartnschau hot er ja ano herbrocht, der Hund. Wer woaß, wos do no alles kummt. Langsam werd mia a klar, warum de des neie Rathaus baun hom miassn: Damit's Plotz hom für de ganzen Pokale und Auszeichnungen. Vermutlich errichtns dem Herker no zu Lebzeiten a Denkmal. Naja, des kanntat doch da Hammerschmid günstig übernehma. Oder da Burgermoasta Seitz vo Gerolsbach.