Mei, des is ja lustig, wos da Florian Simbeck und sei Kamerad, da Joe Heinrich, mit dene Puppn zur Fuaßboi-WM do macha. Der Heinrich, der baut ja net bloß Puppn vo Fuaßballer, sondern zum Beispui a vo Politiker. Vom Söder oder von der Aigner. Mei Spezl hot desweng gmoant, der kanntat doch amal a paar Puppn vo Pfahofara Stadträte oder Kreisräte basteln. Oba des is natürlich a Schmarrn. Weil do hockan eh scho so vui Marionettn drin.