Servus Leitln, i hobs nomal packt des Wochenend und war sauber beim Schifoahrn. Naja, eigentlich natürlich vor allem beim Après-Ski mit a poar scharfe Hasn. I hob ja weg miassn des Wochenend, weil nächsts, do hob ich koa Zeit, zwecks da Wahl. Des werd spannend, ja mi leckst am Oarsch. I stell mi auf a lange und aufregende Nacht ei, des werd a bissl wia beim Superbowl. Bloß, dass in Pfahofa wahrscheinlich net de Janet Jackson ihre Nippel zoagt. Naja, des tat bei uns wahrscheinlich a koan interessiern, do san doch bloß de Amerikaner immer so g'schamat. Du, de hom etz in Massachusetts a G'setz g'macht, wo drinsteht, dass du koana Frau untern Rock fotografiern derfst – 2,5 Johr Zuchthaus steht do drauf, wenns di dawischn. Najs, des lasst mi koit: Erstens liegt Scheyern ja net in Massachusetts, und zwoatens steht in dem G'setz nix vo Rolltreppn. Typisch Amis halt, koa Ahnung vom Fotografiern.