Du, i sog das, guat, dass du gestern Omd koa Zeit g'habt host, weil du warst durchdraht. Versamt? Na, host wirklich nix! Des san doch koane Podiumsdiskussionen, des is a oanzige gegenseitige Oschleimerei. Do wui koana dem andern wos G'scherts song oder eam a bloß a bisserl kritisiern. Des ganze Gekuschle macht mi no narrisch. I frog mi bloß, warum se zum Beispui da Gürtner dann überhaupt aufstelln lasst und no sogt, dass ers konn, wenn er dann bloß kuscht auf der Bühne den ganzn Omd lang. Warum is ja klar! Weil er natürlich nach der Wahl wieder Vize wern mog. Des is de ganz hohe Politik, verstehst? Er is praktisch so brav zum Herker, weil er wieder zwoata Buagamoasta wern mog, dass er nie erschta werd, weil er so brav is. Versteh? Na, muaß ma des net.