Also, Leitln, i bin dann mal weg beim Schifoahrn! Erledigt is vo meiner Seitn aus vorerscht ois. Den Stadtball hob i organisiert, den Transfer vom Lex zum FC Inglstodt hob i obgschlossn, den Irlstorfer  no schnell in den Gesundheitsausschuss neibrocht, der Polizei den Tipp zur Festnahme vo de vier Rauschgift-Dealer auf der Schanz gem. Des miassat glanga bis Montag. Nächste Woch kümmer i mi dann no um den Rest vom Zaun fürs Tierheim, geh de Pläne fürs Eisstadion nomal durch, red mitm Herker und mitm Röder zwecks a bisserl Pfiff im Wahlkampf und mach de Trainingspläne für den ECP. Übernächste Woch mach i dann de Feinplanung für de Gartenscha, geh mitm Weiß Flori abschließend de Maße für de neien Fuaßboi-Plätz und de Sportförderrichtlinien durch und nimm mir den Wolf nomal zwecks Sanierung Landratsamt zur Brust. Wenn sonst no wos is, einfach rührn! Also, nachat, servus!