Mei, oh, mei! Etz kumma scho de Auswärtigen zum Heiratn nach Pfahofa, weils ja do so lebenswert is. Ja, moana denn de, dass eana de Oide dann länger bleibt, wenns bloß saufan, fett wern und in da Jogginghosen auf da Couch lieng ab der Hochzeit. Du, wennst verheirat bist, do muaßt du deiner Frau jedn Tog auf Neie zoang, wia du dich kümmerst um sie. I zum Beispui huif meiner Oidn, wo i konn. Du, de wenn am Samstagvormittog beim Putzn immer schwitzt wia d'Sau, nachat bring i ihra a Handtuach zum Obwischn. Oda wenn sa se immer so plogt, wenns ma de Bierkistn nachm Eikaffa rafschleppt in zwoatn Stock. Do sog i jeds Mal: Schatzi, tua de halt ne so ob, geh halt dann liaba zwoa Mal.