Hobt's des heit glesn auf pfaffenhofen-today, im hiesign Tierheim gibt's a ganz exotische Viecher! Etz homs Degus do, des san praktisch Ratzn aus Chile. Oba ganz liab schaung de aus, und du muaßt mindestens drei nehma, wei de san net gern aloa. Angeblich hot ja de FDP Interesse g'habt, weil des war natürlich guat fürs Image, wenn du dich tierlieb gibst – zumal wenn du praktisch im Moment überhaupts koa Image mehr host. Oba dann homs grod no de Notbremse zong, de Liberalen, munkelt man. Wei eana nämlich aufg'falln is, dass des bläd war, wennst mehra Viecha host wia Mitglieder.