Du, de Irma, des muaß a scharfer Hos sei! De kriagt etz scho wieda an Haufa Geld vom Freistaat. Woaßt scho, de Initiative Regionalmanagement. De kennst doch, oder? De mit dem Motto "IngolStadtLandPlus", wo da Käser immer sogt: "Schluss mit dem Stuss!" Oba dera Irma, dera schiams de Kohle hint und vorn nei. Bloß hern und seng duast nix von ihra. Ma kannt fast moana, des war so a "Urban Legend", wia da Engländer sogt. Na, mit dem Kaufhaus am Hauptplotz not des nix zum doa. Woaßt scho, des i a so a G'schicht, wo jeder oan kennt, der sogt er kennt oan, dea sie wirklich erlebt hot – und in Wirklichkeit is des wahrscheins alles bloß erfunden. Also, wenn du de Irma tatsächlich amal treffa solltst, nachat sogst ihra an schena Gruaß vo mir und i mechat sie gern amal kenna lerna. Weil des war a guade Partie. Wei du host eh koa Interesse, oder?