Du, i sog da's, je länger i drüber nochdenk, desto klarer werd mia: I muaß wirklich fürn Burgamoasta-Posten in Pfahofa kandidiern. Des hot doch mit dene alles koan Zweck. Da Herker, der g'hert aus Prinzip scho weg, weil er im Amt is.  Wiederwahl is von Haus aus fad. Da Röder Tom, der mog koan Weihnachtswichtel, den konnst also a nat wähln. Da Gürtner, der Dauer-Grinser, der glaubt etz scho, er kanntat erschnt Buagamoasta macha, bloß weil er woaß, wia Vize geht. Und de FDP hot etz an Studenten rauszaubert, der in Hannover geborn is. Ja, miaßn mia etz scho unsere Buagamoasta importiern, oder wos? Na, so geht des net. Und i hob a scho a Drei-Punkte-Wahlprogramm, dem ganz sicher a jeda zuastimmt. Erschnts: Gestalten statt Verwalten. Zwoatens: Gerechtigkeit für alle. Drittns: Zukunft. Do miaßn de andern erscht amal wos Bessers bringa.