Zeit is worn. I bin wirklich froh, dass etz endlich des Landratsamt saniert werd. Weil de grindige Fassadn, de konnst du dir echt nimma länger oschaun. I fahr etz scho jedsmal mitm Auto außenrum, wenn i in d'Stodt neimuaß, bloß dass i den Betonbunker net siehg. Angeblich hot ja neilich sogar a Filmteam o'gfrogt, ob si des Landratamt als Kulisse nehma derfan. Do gehts um so an Blockbuster mit der Veronica Ferres üba den Zerfall der Sowjetunion. Und eigentlich wolltn de ja ganz original in Ostdeutschland drahn, eh klar, oba do drüm is ja scho alles blitzblank saniert. Und sie hom g'sagt: Des oanzige, wos no halbwegs in Frage kummat von der Trostlosigkeit her, des is eben des Pfahofara Landratsamt.