Ja, mi leckst am Arsch! Do hot da Röder von der CSU heit ja ganz sche auspackt. Der Weihnachtswichtel is eine kulturelle Mutation, sogt er. Ja, do werd dem Wichtel sei Grinsen oba ausm G'sicht falln. Naja, also wega Sankt Martin, do gib i dem Röder scho Recht. Sankt Martin is Sankt Martin und basta. Auf den lass i nix kumma – also auf den Martin... Mit dem Wichtel is die Sachlage natürlich a bisserl komplizierter. Des hot si die bunte Koalition im Rothaus ja desweng überlegt, damit sich die politische Farbenlehre a in da Weihnachtszeit widaspiegelt. Woaßt scho: Rot für Nikolaus und Grün oder Blau oder wos woaß i für den Wichtel. I vermut halt, dass dem Röder des recht stinkt, dass er immer bis Heilig Drei König warten muass, bis sei Parteifarb dann a dabei is.