Na, sauber! In Pfahofa homma etz bloß wega oam Briaf von dem Statistischen Landesamt an Haufa Einwohner verlorn. In Hohawart miassns wahrscheinlich de ganze Schui nei streicha, bloss weil zwoa Spinner oan auf Bronx macha und ois vollgsprüht hom. Und in Vohburg bringans net amal mehr a Volksfest zam. I bitt di recht sche – aber wenn de Leit net amal mehr Lust aufs Saufa hom, dann stimmt wirklich wos net. Wos is bloß auf oamal los in unserm Landkreis? Naja, jetzt is da Straub ja scho in sei Büro im Landtag eizong, dann konn a etz glei mal wos doa und se um des ois kümmern. Mia hom den ja schließlich net bloß gwählt, damit a sein Opel zwischen Wolnzach und Minga gscheit ausfahrn konn.