I werd narrisch. De Manchinger, des san fei Hund! Am Freitag geht ja wieder de Gewerbe-Messe los, und i hob mir etzat scho amal des Programm o’gschaut. Do brauchst eigentlich nix mehr song, des kommentiert se selber: 14.30 Uhr Einmarsch der Ehrengäste im Bierzelt, 14.30 Uhr Bieranstich, 15 Uhr: Gespräche am Stand der Suchtprävention, 16 Uhr im Vortragsraum: Thema Suchtprävention. Des glaubt’s Ihr etzat natürlich net, das de Manchinger so krass drauf san, oder? Des hob i mir scho denk, desweng hob i glei a Buidl g’macht von dem Terminkalender. So schaugt’s nämlich aus! Also, zerscht marschiern de ganzen Gschwollschädln eine, nachat brenna se sich mit Freibier zua und dann gengas direkt zur Suchtprävention. Na, dann: Prost.
