Also, oans muaß ma de Reichertshausener ja wirklich lassen: De denken halt einfach praktisch. De hom etzat an öffentlichen Defibrillator aufg'stellt. Und woaßt Du, wo? Der hängt in da Raiffeisenbank drin, direkt neben dem Kontoauszug-Drucker. Des passt ja echt wia Arsch auf Eimer. Wenn i meine Auszüg oschaug, nachat hob i a meistens des G’fühl, i bin kurz vorm Herzstillstand. Des oanzige, wos do etzat no fehlt, des is a Schuidl mit der Aufschrift: "Sehr geehrter Kunde! Bevor Sie Ihre aktuellen Kontoauszüge ausdrucken und durchsehen, entnehmen Sie bitte den Defibrillator und machen Sie sich mit dessen Bedienung vertraut. Wir machen den Weg frei."